Этнографический уголок на базе учебного кабинета

Статус вясковай школы, аддаленасць ад сталіцы, адсутнасць розных устаноў пазашкольнага выхавання, дзе б дзеці маглі займацца, развіваючы свае здольнасці — усё гэта падказвала, што трэба шукаць цікавае і захапляльнае там, дзе даступна. Так і з’явілася ідэя аб паглыбленым вывучэнні нацыянальных традыцый і народных рамёстваў. Пасля гэта ідэя падмацавалася жаданнем сабраць тое, што ўмелі бабулі.

Пошукавая работа прывяла да таго, што мы з вучаніцамі адшукалі жанчын-рукадзельніц, якія ў маладосці шмат ткалі, вышывалі, вязалі і яны з задавальненнем згадзіліся падзяліцца сваімі творамі. Запрашалі іх на сустрэчы, слухалі іх расказы пра ўбранства сялянскай хаты, пра тыя строі, якія яны насілі.З усіх сабраных рэчаў і пачалі ствараць інтэр’ер хаты, для таго, каб паказаць, якое месца займалі рэчы, створаныя народнымі майстрамі ў побыце сям’і.

 

Тэматыка экспазіцыі:

• Прадметы матэрыяльнай культуры беларусаў 19-пачатку 20 стагоддзяў.
• Прадметы дэкаратыўна-прыкладнога мастацтва Міншчыны.

Асноўныя раздзелы:

• Гаспадарчыя рэчы;
• Прылады для прадзення і ткацтва;  
• Прылады для збору і апрацоўкі зерня;
• Вышыўка; 
• Ручнікі.

Фонды:

• Асноўны фонд – 56 экспанатаў;
• Дапаможны фонд – 25 экспанатаў.

Тэматыка экскурсій:

• Экскурсія–прэзентацыя.
• Прылады працы беларусаў.
• Утульнасць беларускай хаткі.
• Таямніцы бабулінага куфэрка.
• Вышыўка заўжды ў модзе.
• Прыгадайма старыя звычаі.
• У чаканні Калядаў.
• Беларускія святы.
• Беларускія рамёствы
• Народны каляндар.
• Закон рытуальнай перавернутасці.
• Выцінанка.
• Хараство нацыянальнага касцюма.
• Быт Беларусаў.
• Роля этнаграфічнага кутка ў вучэбна-выхаваўчым працэсе.
• Правядзенне ўрокаў гісторыі.
• Правядзенне ўрокаў беларускай літаратуры.
• Урокі вучняў пачатковай школы па прадметах: «Мая Радзіма-Беларусь».
• Літаратурнае чытанне. Працоўнае навучанне.
• Для правядзення пазакласных мерапрыемстваў.
• Магчымасць рабіць перасоўныя экспазіцыі.
• Скарыстанне экспанатаў пры правядзенні абрадавых святаў у школе.
• Удзел у раённых выставах і святах.

 
Важнейшыя этапы працы:

• Снежань 1991г – Першая выстава вучнёўскіх работ да бацькоўскага сходу.
• 1992г –  Адкрыты ўрок па плану школы. Тэма «Беларуская саломка».
• 16.12.1992г – Адкрыты ўрок на тэму: «Вышыўка заўжды ў модзе». Выстава рэчаў, вышытых аднавяскоўцамі.
• Студзень 1993г – Настаўніца прымала ўдзел у раённым конкурсе мета дачных ідэй. Праводзіла ўрок з вучнямі Сенніцкай школы, з дэманстрацыяй вышытых рэчаў.
• Люты 1993г – Інтэгрыраваны ўрок сумесна з настаўнікам беларускай мовы і літаратуры Даманавым А.А.па творы У. Караткевіча «Зямля пад белымі крыламі». Раённы семінар настаўнікаў беларускай мовы і літаратуры. Дзяўчаты разам з настаўніцай рыхтавалі раздзел «Хлеб І да хлеба» з дэманстрацыяй страў.
• Красавік 1993г – Урок пад дэвізам «Прыгадайма ж старыя звычаі». Яго тэма «Велікодныя Забавы». Па плану школы.
• 1994г – Пачаў дзейнічаць гурток «Чараўніца».
• Май 1994г – Да дня перамогі рыхтавалі выставу кветкавых кампазіцый пад назвай «Кветкі Вам раскажуць аб вайне і ўваскрэсяць Вашы ўспаміны».
• Сакавік 1995г – Асабістая выстава работ самых адораных і тэленавітых дзяўчат. «Этих девушек прекрасных лица и творенья золотых их рук».
• 1996г – Раённы семінар настаўнікаў абслугоўваючай працы. Прэзентацыя этнавугалка і гуртка «Чараўніца» з удзелам рукадзельніц в.Лашаны.
• 1997г – Прадметны тыдзень
• 1998г – На базе кабінета працоўнага навучання створаны Этнаграфічны музей. Загад дырэктара № 37.
• 27.06 - 27.07.1999г – Удзельнічалі ў раённай выставе «У прасторы жыцця». Работы нашых вучаніц і экспанаты музея знаходзіліся побач зтворамі лепшых майстроў Міншчыны.
• Лета 2000г – Дэманстравалі экспанаты музея і работы вучаніц на раённым свяце «Самаграй» у Хацежыне. Удзельнічалі ў выставе работ на свяце для дзяцей - інвалідаў у Сенніцы. Упрыгожвалі свята «Жыцень» у Пятрышках. Прымалі ўдзел у раённым злёце выпускнікоў, які праводзіў аддзел адукацыі. Уразілі прысутных работы Валасевіч Вольгі Заяц Вольгі.
• Лістапад-снежань 2000г – Работы маіх вучаніц па вязанню, вышыўцы. Дызайну дэманструюцца у Міханавіцкай бібліятэцы на раённай перадкаляднай выставе.
• Сакавік 2003г – Удзел у выставе творчых работ вучняў на 8-ай навукова-практычнай канферэнцыі. Падзяка.
• Сакавік 2004г – Атрымалі чарговую падзяку за ўдзел у 9-ай НПК.
• Снежань 2004г – Удзел у 1-ай алімпіядзе па працоўнаму навучанню. Праект быў «Папяровая фантазія». Школу прадстаўляла Хацкевіч Наталля.
• Снежань 2005г – Удзел у раённай алімпіядзе. Праект «Рамка для фотаздымкаў і яе шматбаковае скарыстанне». Добра выступіла Івінская Аксана. 8-ае месца.
• Сакавік 2006г – Прадстаўлялі на НПК калекцыю «Бутылачныя Калекцыя сваімі рукамі. Бутылкавыя Фантазіі». Дэманстравалі Качуба Н.і Івінская А.
• Снежань 2006г – Маем І месца на алімпіядзе. Прадстаўлялі творчы праект з фларыстычнага матэрыялу «Засохшие и рождённые заново». Івінская Аксана - пераможца.
• Студзень 2007г – Прымалі удзел у абласным конкурсе на лепшую сувенірную работу. Даслалі 6 работ.
• 26.11-3.12.2007г – Прадметны тыдзень «Да працы ахвочыя – рукі дзявочыя».
• Снежань 2007г – «Камплект Навагодніх упрыгажэнняў», звязаных кручком. Удзельнічала Гізоўская Насця.
• Студзень 2008г – Арганізавана экскурсія ў Рэспубліканскі экалагічны цэнтр дзяцей і моладзі і ў Нацыянальны цэнтр мастацкай творчасці.
• 2008г – Удзел у конкурсе вучэбных кабінетаў.
• 2010г – Удзел у конкурсе этнавугалкоў.
• Цяпер будзем чакаць новых запрашэнняў, рыхтаваць вялікую выставу да 25-годдзя школы, асвойваць новыя віды дэкаратыўна-прыкладнога мастацтва, папаўняць этнавугалок новымі экспанатамі, трымаць сувязь з людзьмі, якія могуць расказаць або навучыць даўнейшаму рукадзеллю.
• Ёсць надзея, што калі бачыцца перспектыва і калі ёсць да чаго прыкласці рукі і сэрца-то традыцыйнае народнае мастацтва будзе жыць!

Кіраўнік этнаграфічнага кутка: Ларыса Вячаславаўна Курыла